शुक्रबार, १९ मंसिर २०७७

भारतमा बनेको कोभ्याक्सिनकाे अन्तिम चरणको परीक्षण सुरु



नयाँदिल्ली । भारतमा कोरोनाविरुद्ध बनाएको खोपको आज (शुक्रबार) तेस्रो अर्थात् अन्तिम चरणको परीक्षण (ट्रायल) सुरु गरिँदै छ।

त्यसको पहिलो डोज हरियाणाका स्वास्थ्यमन्त्री अनिल विजले लगाउने भएका छन्।

भातरीय जनता पार्टीका नेता ६७ वर्षीय उनले शुक्रबार अम्बालास्थित सिभिल अस्पतालमा परीक्षण खोप लगाउने जानकारी दिएका हुन्।

उनले बिहीबारै ट्विटरमा लेखेका छन्, ‘म शुक्रबार ११ बजे अम्बाला क्यान्टस्थित सिभिल अस्पतालमा पीजीआई रोहतक र स्वास्थ्य विभागका विशेषज्ञको निगरानीमा बायोटेकले बनाएको कोरोनाविरुद्धको कोभ्याक्सिनको परीक्षण डोज लिनेछु।’

अम्बाला क्यान्टका विधायक अनिल विजले भनेका थिए, ‘हरियाणामा कोभ्याक्सिनको तेस्रो चरणको परीक्षण नोभेम्बर २० (आज) सुरु हुन्छ।’

प्रतिक्रिया दिनुहोस